ទឹកដោះម្តាយថ្លៃ ! មិននឹកស្មានដល់ គ្រួសារធ្វើបុណ្យឲ្យរួចហើយ ថ្នាក់ដឹកនាំក៏ចេញលិខិតរួចហើយដែរ ក្រោយពីបាត់ដំណឹងរយៈពេលជាង ១ខែ កាលពីផ្ទុះសង្គ្រាមព្រំដែនកម្ពុជា-ថៃលើកទី២ តាំងពីថ្ងៃទី២៤ ខែធ្នូ ឆ្នាំ២០២៥...
បន្ទាយមានជ័យ : ប្រជាពលរដ្ឋបានចូលរួមត្រេកអរ រំភើបក្រៃលែង ដោយមិននឹកស្មានដល់ គ្រួសារធ្វើបុណ្យឲ្យរួចហើយ ថ្នាក់ដឹកនាំក៏ចេញលិខិតរួចហើយដែរ ក្រោយពីបាត់ដំណឹងរយៈពេលជាង ១ខែ កាលពីផ្ទុះសង្គ្រាមព្រំដែនកម្ពុជា-ថៃលើកទី២ តាំងពីថ្ងៃទី២៤ ខែធ្នូ ឆ្នាំ២០២៥មក ។
ដោយរងរបួសក្នុងសមរភូមិ ហើយត្រូវបានទាហានសៀម(យោធាថៃ)ចាប់យកទៅ រហូតមកដល់ថ្ងៃអង្គារ ២កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងរសៀលថ្ងៃទី២០ ខែមករា វេលាម៉ោង15 និង25 នាទី លោកអនុសេនីយ៍ត្រី គៀត ស៊ីម៉ាក់ អាយុ៣៥ នាយរងប៉ុស្តិ៍នគរបាលរដ្ឋបាលគោកកឋិន នៃអធិការដ្ឋាននគរបាលស្រុកថ្មពួក និងអ៊ុំប្រុសឈ្មោះ ប៉ុក សារុំ អាយុ៦៤ ជាប្រជាពលរដ្ឋរស់នៅភូមិបន្ទាយឬទ្ធិ ឃុំគោករមៀល(បឹងត្រកួន) ស្រុកថ្មពួក ខេត្តបន្ទាយមានជ័យត្រូវបានយោធាថៃដោះលែង មកដល់ទឹកដីកម្ពុជាយើងវិញនៅចំនុចភូមិប្រាសាទត្បែង ស្រុកថ្មពួក ។
ពេលនេះកំពុងសម្រាកព្យាបាលនៅមន្ទីរពេទ្យមិត្តភាពកម្ពុជា-ជប៉ុន ខេត្តបន្ទាយមានជ័យ ៕
ដោយ : លោក កែវ សំបឿន អ្នកយកព័ត៌មាន អង្គភាពសារព័ត៌មាន BMC post
Post a Comment